IIV YHXBB O‘zbekiston bo‘yicha mavjud onlayn rejimida ishlovchi fotoradarlar va intellektual rejimida ishlovchi kameralar to‘g‘risida ma’lumot berdi.
Ma’lum qilinishicha, statsionar radarlar Jizzaxda — 15 ta, Qashqadaryoda — 1 ta, Qoraqalpog‘istonda — 6 ta, Navoiyda va Buxoroda — 8 tadan, Toshkent viloyatida — 29 ta, Surxondaryoda — 4 ta, Farg‘onada — 5 ta, Samarqandda — 12 ta va Sirdaryoda 11 ta mavjud.
Onlayn rejimida ishlovchi fotoradarlar va intellektual rejimida ishlovchi kameralari Xorazmda — 16 ta, Buxoroda — 32 ta, Qashqadaryoda — 6 ta, Qoraqalpog‘istonda — 10 ta, Navoiyda — 12 ta, Toshkent viloyatida — 37 ta, Farg‘onada — 21 ta, Andijonda — 82 ta, Namanganda — 38 ta va Samarqandda 6 ta mavjud.
Avvalroq Toshkent shahrida onlayn rejimda ishlovchi fotoradarlar soni 28 tani hamda intellektual rejimda ishlovchi kameralar soni esa 89 tani tashkil etayotgani to‘g‘risida xabar berilgandi.
Mavzuga doir: O‘zbekistonda kamera va radarlarda qayd etilgan qoidabuzarliklardan davlat budjetiga 2020-yilda 724 mlrd so‘m tushgan
Unga ko‘ra, maxsus avtomatlashtirilgan foto va video qayd etish dasturiy-texnik vositalari o‘rnatilishi mumkin bo‘lgan joylarning dislokatsiyasi ishlab chiqiladi hamda E-ijro auksion platformasi orqali onlayn auksionga qo‘yiladi. Tizim o‘rnatilishi mumkin bo‘lgan joy dislokatsiyasi, mazkur hududdagi transport oqimi va oxirgi 2 yilda aniqlangan qoidabuzarliklar to‘g‘risidagi ma’lumotlar ochiq e’lon qilinadi.
Iyun oyidan boshlab O‘zbekistondagi chorraha va yo‘llarda radar va kameralar qo‘yish joylari auksion orqali savdoga qo‘yilishi boshlandi. 1-iyul kuni E-auksion saytida birinchi bor Toshkent shahrida radar o‘rnatiladigan joylar auksionga chiqarildi.
Izoh (0)