Sirdaryo viloyati Mirzaobod tumanida 14 yoshli maktab o‘quvchisi kanalda cho‘kib ketdi. Bu haqda viloyat FVB xabar berdi.
Maʼlum qilinishicha, 18-may kuni Mirzaobod tumani “Oydin” MFY hududidan oqib o‘tuvchi Do‘stlik kanaliga cho‘milish uchun borgan 2011-yilda tug‘ilgan, voyaga yetmagan fuqaro A.X ehtiyotsizlik oqibatida Do‘stlik kanaliga cho‘kib ketgan.
Viloyat FVB g‘avvos-qutqaruvchilari tomonidan olib borilgan suvda qidiruv-qutqaruv tadbirlari natijasida 19-may kuni yigitning tanasi suvdan olib chiqildi.
Hozirda mazkur holat yuzasidan Mirzaobod tumani prokuraturasi tomonidan surishtiruv ishlari olib borilmoqda.
Bundan avval Toshkentning Bo‘rijar kanaliga tushib ketgan qizni qutqargan erkakning o‘zi halok bo‘lgani xabar qilingandi. Shuningdek, Farg‘onada uch nafar voyaga yetmagan bola sun’iy suv havzasiga cho‘kib ketgan edi.
Izoh (0)