“Metallurg” futbol klubi xodimi Daniel Korshunov cho‘kayotgan fuqaroga yordam ko‘rsatib, uning umrini saqlab qoldi. Bu haqda futbol klubi matbuot xizmati xabar berdi.
Ma’lum qilinishicha, Daniel Korshunov har kuni ertalab va kechqurun klub qarorgohi yonidan o‘tuvchi kanal bo‘ylab sayr qilishga odatlangan. 27-iyun kuni u hamkasbi bilan suv yoqalab ketayotganida kimningdir kanalda bir ko‘rinib, bir ko‘rinmay cho‘kayotganiga ko‘zi tushgan.
Daniel o‘ylab o‘tirmasdan o‘zini kanalga otgan va cho‘kayotgan bolani kanal qirg‘og‘i tomon tortgan. Bu vaqt yordamga yetib kelganlar ham Danielga ko‘maklashgan.
Bekobodga ish yuzasidan Zafar shahridan kelgan otaxon farzandini qutqargan yigitlarga minnatdorchilik bildirdi, — deyiladi xabarda.
Aprel boshlarida Toshkentning Chilonzor tumanidan oqib o‘tuvchi Bo‘rijar kanalida 3 kishi cho‘kib ketgani to‘g‘risida xabar berilgandi. Yanvar oyi o‘rtalarida esa Sirdaryoda o‘quvchilar bo‘lgan Gentra kanalga tushib ketishi oqibatida egizaklar suvda halok bo‘lgan edi.
Izoh (0)