“Million” kulgi jamoasi aprel oyida “Xalqlar do‘stligi” saroyida 10 kunlik konsert dasturini berishni rejalashtirmoqda. Jamoa a’zolari allaqachon konsert dasturiga tayyorgarlikni boshlab yuborgan. “Daryo” repititsiya jarayonidan reportaj tayyorladi hamda yangi konsertdan nimalar kutilayotgani haqida aktyorlar bilan suhbatlashdi.
Vayner Mo‘min Ibrohimov o‘tgan yili sahnada o‘zini yoqmoqchi bo‘lgani va konsert dasturida qo‘lini sindirib olgani haqida gapirdi.
— Rol ijro etayotganda o‘zimni ayamayman. Ammo ertasi kuni og‘riqlar bo‘ladi. O‘tgan yili otasiga kutilmagan sovg‘a tayyorlaydigan o‘g‘il tomoshasida o‘zimni sahnada yoqishni rejalashtirgandim. Yaʼni o‘g‘il otasiga tort sovg‘a qiladi va undagi shamlarni yoqayotganida ehtiyotsizlik sabab, kiyimlarini yoqib yuboradi. Bunga bir necha bor tayyorgarlik ko‘rdim, ammo buni bajarishimga ruxsat berishmadi. Bu narsa ham anchagina hafsalamni pir qilib qo‘ydi. Qilmoqchi bo‘lgan ishingizga yo‘q deyishsa baribir odamning kayfiyati buzuladi. Bu yil ham bir murakkab tryukni bajarishni rejalashtiryapman. Tepadan o‘zimni pastga tashlayman, nasib qilsa bunisiga ruxsat olaman. Men ana shunday tryuklarni o‘zim bajarishni va tomoshabinni lol qoldirishni yaxshi ko‘raman, deydi Mo‘min Ibrohimov.
Mo‘min Ibrohimov sahnada olgan jarohatlari haqida gapirdi
— Og‘riqlar bo‘ladi, usiz iloji yo‘q. Masalan, Navro‘z bayrami tomoshasida bir necha bor yiqilishim kerak edi. Yuz-qo‘llarim shilinib ketgandi. Keyin yodingizda bo‘lsa, kaskadyor rolini ijro etgandim. Konsertning ikkinchi kuni stulga yiqilganimda barmoqlarim qayrilib, singandi. Uni gipslatib kelsak, sahnada xunuk ko‘rinadi, deb konsert kunlari tugagunga qadar chidaganman. U qo‘limda mikrofon ushlolmasdim, eng yomoni sahnada turganimda og‘riq kuchayardi. Xullas, bunga o‘xshash tramvalar bo‘lib turadi. Ammo ahamiyat bermayman, “Million” va uning muxlislari uchun jonim fido deb, yana ijod qilishda davom etaman, deydi Mo‘min Ibrohimov.
“Million” jamoasi aʼzolari bilan bo‘lgan suhbatni va konsertoldi tayyorgarlik jarayonlari bilan yaqindan tanishishni istasangiz, YouTubeʼdagi “Daryo lifestayle” kanaliga tashrif buyuring. Bundan tashqari, bu kanalda sanʼat vakillari bilan bo‘ladigan suhbatlar va konsert dasturlaridan maxsus reportajlarni ham tomosha qilishingiz mumkin.
Izoh (0)