Самарқанд вилоятининг Каттақўрғон тумани, “Қўштепа” МФЙда жойлашган автомобилларга ёқилғи қуйиш шохобчасида 7 май куни соат тахминан 15:06 ларда ёнғин содир бўлди. Бу ҳақда Саноат, радиация ва ядро хавфсизлиги қўмитаси ахборот хизмати хабар берди.
Маълум қилинишича, ёнғин АЁҚШнинг ҳовлисида “ЗИЛ” автомашинасига ёқилғи қуйиш вақтида содир бўлган.
Дастлабки маълумотларга кўра, чақнаш натижасида 2 нафар фуқаро вафот этган.
Яна 1 нафар фуқаро тан жароҳати билан тиббиёт бирлашмасига ётқизилган.
Фарғона шаҳар, “Янгийўл” МФЙ, Аҳмад Яссавий кўчасида жойлашган, кўп ёнилғили АЁҚШ ва АГҚШ шохобчасида портлаш ва ёнғин 17 декабрь куни содир бўлганди. Суюлтирилган газ тўкиш вақтида технологик жараёнларнинг бузилиши ҳамда техника хавфсизлиги қоидаларига риоя қилинмаслиги оқибатида чақнаш содир бўлган, ундан сўнг ёнғин юзага келган.
Бахтсиз ҳодисалардан қандай ҳимояланиш мумкин?
Бахтсиз ҳодисалардан тўлиқ ҳимояланиш мумкин эмас, лекин хавфни камайтириш ва ўз хавфсизлигингизни ошириш жуда муҳим. Бунинг учун қуйидаги чораларни кўринг:
Биринчи ўринда — суғурта полиси олинг. Бу молиявий хавфдан ҳимояланишнинг самарали усулидир. Уй, машина ва соғлиқ учун суғурта орқали бахтсиз ҳодисаларнинг иқтисодий зарарини енгиллатиш мумкин. Суғурта компаниясига оид ахборотлар бу ерда.
Огоҳ бўлинг: Қаерда бўлсангиз ҳам атрофингиздаги вазиятни кузатинг. Бахтсиз ҳодисалар кўпинча бефарқлик ёки эътиборсизлик сабабли содир бўлади.
Билим ва кўникмаларни оширинг.
Биринчи ёрдам кўрсатиш бўйича билимларни эгалланг, ёнғинга қарши курашиш қоидалари ва бошқа хавфсизлик бўйича қўлланмаларни ўқинг. Уйда хавфсизликни максимал таъминланг — тутун датчиклари ва ўт ўчиргичларга ҳозирланг.
Носоз электр симлари ва қурилмалардан сақланинг. Атрофни кузатинг: пиёда бўлсангиз, фақатгина телефонга эмас, балки атрофга ҳам қараб юришга ҳаракат қилинг. Йўл ҳаракати қоидаларига риоя қилинг.
Изоҳ (0)