Қуёшда бешта кучли чақнаш содир бўлди

30-март куни Қуёшда М синфидаги бешта чақнаш қайд этилди. Бу ҳақда Россия Амалий геофизика институти хабар бермоқда.

“М1.4 (С14Э82) нинг биринчи чақнаши 30-март куни ярим тундан кейин соат 00:38 да 33 дақиқа давом этди”, дейилади хабарда.

Институт маълумотларига кўра, шу куни яна тўртта чақнаш қайд этилган — М1.4 (С14Э71), М1.5 (С14Э82), М1.6 (С15Э71) ва М1.9 (С15Э88).

Барча ўчоқлар битта доғлар гуруҳида қайд этилган — 4048.

Қуёшдаги чақнашлар Ерда магнит бўронларини келтириб чиқариши мумкин, бу эса ўз навбатида энергия тизимларининг бузилишига олиб келади ва қушлар ҳамда ҳайвонларнинг миграция йўлига таъсир қилади. 

Кучли бўронлар қисқа тўлқинли алоқа ва навигация тизимларининг ишламай қолишига, шунингдек, саноат тармоқларида кучланиш пайдо бўлишига олиб келади.

Бундан ташқари қуёш фаоллигининг ортиши қутб ёғдусини кузатиш географиясини кенгайтириши мумкин. 

Магнит бўронлари одамлар саломатлигига таъсир кўрсатадими ёки йўқми, бу саволга ҳозирча аниқ жавоб йўқ.

28 март куни қуёшда даражаси — Х1.1 бўлган энг юқори Х даражали чақнаш қайд этилганди.