Ижтимоий тармоқларда Қашқадарё вилоятидаги маҳалла раиси пахта теримига чиқмаганларга бола пули берилмаслигини айтган овозли хабар тарқалди. Ҳолат юзасидан Давлат меҳнат инспекцияси ўрганиш ўтказди, деб хабар бермоқда Камбағалликни қисқартириш ва бандлик вазирлиги.
Маълум қилинишича, ўрганиш давомида Шаҳрисабз туманидаги “Пахтакор” МФЙ раиси Л.Ўроқов 9 октябрь куни Нушкент қишлоғининг “Нушкент бирлашайлик” Telegram каналига ушбу овозли хабарни юборган.
Шу орқали маҳалла раиси ишсиз фуқароларни пахта йиғим-теримига чақирган, шундан сўнг улар теримга келган.
Ҳолат юзасидан Л.Ўроқовга нисбатан Маъмурий жавобгарлик тўғрисидаги БҲМнинг 50 баравари (18 млн 750 минг сўм) миқдорида жарима қўлланилди.
- Аввалроқ ҳукумат томонидан 9 октябрдан бошлаб қўлда терилган 1 кг пахта учун 2500 сўмдан тўлаш белгиланган эди.
- Ўзбекистонда пахта теримига мажбурлаш билан боғлиқ ҳолатлар Сенатнинг Одам савдосига қарши курашиш ва муносиб меҳнат масалалари бўйича миллий комиссияси томонидан назоратга олингани ҳақида хабар берилганди.
Изоҳ (0)