Бугун, тунги соат 01:30 да Сурхондарё вилоятининг Денов туманидаги “Оловуддин” маҳалласида Nexia-3 автомашинаси юқори босимли газ қувурига урилиши натижасида авария содир бўлган. Бу ҳақда Энергетика вазирлиги хабар бермоқда.
Айтилишича, Денов туманидаги 3 минг 950 та аҳоли ва 20 та улгуржи истеъмолчида табиий газ таъминоти вақтинча тўхтатилган.
Авария ҳолати бартараф этилиши билан газ таъминоти қайта тикланган.
Аввалроқ сентябрь ойида Музработ туманидаги диаметри Д-219 мм бўлган газ қувурига автомобиль келиб урилиши натижасида қувурдан газ сизиб чиққан. Ушбу авария ҳолатини бартараф этиш мақсадида тумандаги айрим истеъмолчилар (1 915 та хонадон)га табиий газ етказиб берилиши вақтинча тўхтатилганди.
Изоҳ (0)