Тошкент вилояти, Оққўрғон тумани, “Бирлик” маҳалласида 17 октябрь куни соат 11:44 да 1 ёшли қизча ҳожатхонага тушиб кетди. Бу ҳақда ФВВ матбуот хизмати хабар берди.
Маълум қилинишича, маҳалладаги новвойхоналардан бирининг ҳовлисидаги ҳожатхонага 2023 йилда туғилган қизча эҳтиётсизлик ва назоратдан четда қолганлиги сабабли тушиб кетган.
Қутқарувчилар ёрдамида ҳожатхона чуқурлигидан қизча соғ-саломат олиб чиқилиб, ҳаёти сақлаб қолинди.
Шундан сўнг малакали тиббий ёрдам кўрсатиш мақсадида шифохонага олиб борилиб, тиббий кўрикдан ўтказилди.
Июль ойида Тошкентнинг Янгиҳаёт туманида ҳожатхонага тушиб кетган бир яшар бола қутқариб олинган эди.
Изоҳ (0)