Наманганда Mercedes-Benz Sprinter фургонида қисқа туташув натижасида ёниб кетди, дея хабар бермоқда Фавқулодда вазиятлар вазирлиги.
Маълум қилинишича, ҳодиса 26 сентябрь куни соат 16:00 атрофида Тошкент–Ўш халқаро автомагистралининг 277-километрида содир бўлган. Mercedes-Benz Sprinter ҳайдовчиси пойтахт томонга ҳаракатланаётган вақтда машинада ёниш ҳидини сезган.
Автомобил эгаси салондан чиқиб кетишга муваффақ бўлган ва шу орада машина катта ёнғин бошланган. 3 дақиқа ичида воқеа жойига Қамчиқ махсус қидирув, ўт ўчириш ва қутқарув бўлими экипажлари ва Наманган вилояти Фавқулодда вазиятлар бошқармаси Поп бўлими экипажи етиб келган.
Кейинчалик маълум бўлишича, ёнғинга машина двигателидаги қисқа туташув сабаб бўлган.
Изоҳ (0)