Ижтимоий тармоқларда аёл вояга етмаган боланинг юзига тарсаки туширгани акс этган видео тарқалди. Ҳолат юзасидан маълумот берилди.
Унга кўра, воқеа 29-март куни Тошкент шаҳрининг Юнусобод туманида содир бўлган. Жабрланувчи болакай ўн ёшда экани айтилмоқда. Видеодаги аёл ва бола бир-бирига қўшни бўлган.
Маҳалладаги фуқаролар аёлнинг фарзанди билан юзига тарсаки туширилган болакай ўртасида келишмовчилик юзага келгани, шу сабабли аёл қўшнисининг ўғлига шапалоқ туширганини айтган. У дўкон ичига боланинг ортига кириб, болани тортиб чиқарган.
Ҳолат юзасидан терговга қадар текширув ўтказилмоқда.
Тошкент вилоятидаги боғчада тарбиячи болаларнинг қулоғидан тортиб, бир неча маротаба урган эди. Шунингдек, Тошкентда 2 ёшли қизчани муттасил дўппослаб келган тожикистонлик энагага суд ҳукми ўқилган.
Бундан ташқари, Сурхондарёда чақалоғини урган аёл жавобгарликка тортилгани маълум қилинган.
Изоҳ (0)