Покистонда кучли ёмғир ва сел келиши оқибатида ҳалок бўлганлар сони 32 кишига етди. Бу ҳақда Al Jazeera хабар берди.
Мамлакатда содир бўлган сўнгги сув тошқини ва том босиб қолиши 19 кишининг ҳаётига зомин бўлган. Қурбонларнинг 8 нафари болалардир. Жами ўлимларнинг 13 нафари Сват водийсида қайд этилган. Шарқий Панжоб провинциясида 25 июнь кунидан бери камида 13 киши ҳалок бўлган.
Хайбер-Пахтунхва ҳудудидаги сув тошқини ҳам 56 та уйга зарар етказган, улардан 6 таси вайрон бўлган. Миллий метеорология хизмати кучли ёмғир ва сел келиши хавфи бу ҳафта ҳам кузатилишини айтган. Май ойида бир нечта экстремал об-ҳаво ҳодисалари, жумладан, кучли дўл бўронлари кузатилган эди. Оқибатида камида 32 киши ҳалок бўлганди.
Покистон дунёдаги экстремал табиий офатлар энг кўп кузатиладиган давлат саналади. Унинг 240 миллион аҳолиси тобора кўпроқ экстремал об-ҳаво ҳодисаларидан азият чекмоқда.
Изоҳ (0)