Ҳиндистон шимоли-шарқига табиий офат ёпирилди. Кучли ёмғир ва сув тошқини туфайли ярим миллионга яқин одам жабр кўрди. Камида бир киши вафот этган.
Маҳаллий аҳоли чорва моллари, паррандалар ва шахсий буюмларини сақлаб қолишга уринмоқда. Сув оқимлари йўлда дуч келган ҳамма нарсани вайрон қилиб кетган.
1300 дан ортиқ қишлоқ сув остида қолди. Кучли ёмғирлар натижасида деярли 15 минг гектар қишлоқ хўжалиги ерларини сув босди. Сўнгги 24 соатнинг ўзида сел сувлари 10 та тўғондан тошиб ўтган. Йўллар ва кўприклар бузилган.
Маҳаллий ҳукумат 11 та ҳудудда вақтинчалик турар жой лагерлари ва ёрдам кўрсатиш пунктларини ташкил қилди.
Ҳиндистоннинг Ассам штати сўнгги бир ҳафта ичида икки марта сув остида қолди. Мамлакатнинг шимоли-шарқида сентябргача давом этиши мумкин бўлган муссон мавсуми бошланган.
Изоҳ (0)