Ҳиндистон 22 апрель куни Кашмирда теракт содир этганларнинг бари Покистон фуқаролари эканини даъво қилди. Бу ҳақда BBC хабар берди.
Ҳиндистонлик терговчиларнинг айтишича, Кашмирнинг Паҳалгам шаҳри яқинида сайёҳларга ҳужум уюштирган 3 нафар жангарининг барчаси БМТ томонидан тақиқланган “Лашкар-э-Таиба” жангарилар гуруҳининг покистонлик фуқаролари бўлган. Дастлаб, полиция улардан бири ҳиндистонлик эркак эканини айтганди.
Покистон Кашмирдаги терактни фуқаролари амалга оширгани ҳақидаги даъвога ҳақли муносабат билдирмаган. Мамлакат 26 киши ҳалок бўлган мазкур терактга алоқадорлигини рад этганди. Сайёҳлар кўп ташриф буюрадиган Паҳалгамдаги ҳужум Ҳиндистон ва Покистонни уруш ёқасига олиб келганди.
22 апрель куни содир этилган ҳужумни Ҳиндистон Миллий тергов агентлигига текширмоқда. Улар ҳудудда йирик қидирув операциясини бошлаб минглаб одамларни сўроқ учун ҳибсга олган. Бироқ, теркт амалга оширишда гумонланган 3 киши ҳали қўлга олинмаган.
“Ҳибсдаги бошқа эркаклар 22 апрелдаги терактдан олдин била туриб 3 та қуролли террорчини кулбага яширган”, дейди полиция.
7 май куни Деҳли Покистон ва Кашмирдаги бир нечта объектларга ракета зарбалари берган. Кейинги 3 кун давомида икки давлат бир-бирининг аэродромларига артиллерия ва ҳаво ҳужумлари уюштирганди. Ушбу ҳужумларда Покистонда камида 51 киши, жумладан, 11 аскар ва бир неча бола ҳалок бўлганини маълум қилган. Ҳиндистон эса камида 5 нафар ҳарбий ҳалок бўлганини билдирганди.
Изоҳ (0)