Бобур Каримов 9 июнь куни Самарқанд вилояти ҳокимига ўринбосар этиб тайинланди. Бу ҳақда вилоят ҳокимлиги матбуот хизмати хабар берди.
Қайд этилишича, у ҳокимнинг жамоат ва диний ташкилотлар билан алоқалар бўйича ўринбосари бўлди. 2022 йилдан буён ушбу лавозимда ишлаб келган Баҳодир Қодиров бошқа ишга ўтган. Унинг қаерга ишга ўтганига ҳокимлик аниқлик киритмаган.
Бобур Каримов 1991 йилда Самарқанд вилоятида туғилган. Самарқанд давлат университетини тамомлаган.
27 май куни Отабек Базаров Наманган вилояти ҳокимининг ёшлар сиёсати, ижтимоий ривожлантириш ҳамда маънавий-маърифий ишлар бўйича ўринбосари этиб тайинланганди. Шу куни Наманган вилояти Поп тумани ҳокими алмашди. Аъзамжон Султонов саломатлигига кўра вазифасидан озод этилди. Унинг ўрнига Ғуломжон Муродхўжаев Поп тумани ҳокими этиб тайинланди.
Изоҳ (0)