Сайхунобод туманидаги «Политекс Сирдарё» масъулияти чекланган жамият шаклидаги тўқимачилик кластери раҳбари Дилмурод Абдураҳмонов Сирдарё вилояти ҳокимининг қишлоқ ва сув хўжалиги масалалари бўйича ўринбосари лавозимига тайинланди. Бу ҳақда вилоят ҳокимлиги матбуот хизмати хабар берди.
Ушбу тайинлов вилоят ҳокими Ғофуржон Мирзаев, вилоят секторлари ҳамда бошқарма-ташкилотлар раҳбарлари, жамоатчилик вакиллари иштирокида ўтган йиғилишда эълон қилинган.
Дилмурод Абдураҳмонов 1983 йилда Ховос туманида туғилган. 2002 йилда Тошкент молия институтини, 2010 йилда Ўзбекистон президенти ҳузуридаги Давлат ва жамият қурилиши академиясини, 2011 йилда Тошкент тўқимачилик ва енгил саноат институтини тамомлаган. «Шуҳрат» медали соҳиби.
Эслатиб ўтамиз, 2020 йилнинг декабридан буён Сирдарё вилояти ҳокимининг қишлоқ ва сув хўжалиги масалалари бўйича ўринбосари лавозимида Авазхон Эргашев ишлаб келаётганди.
Изоҳ (0)