Ҳудудлар ривожи, ислоҳотлар натижадорлиги билан танишиш мақсадида Қашқадарё вилоятига келган Шавкат Мирзиёев Қаршидан Шаҳрисабзга поездда борди.
Президент матбуот хизматининг хабар беришича, президент сафар давомида қашқадарёлик фаоллар билан шаҳар ва қишлоқлардаги ўзгаришлар, аҳоли ҳаёти, бугунги тинчлик қадри ҳақида гаплашди.
Давлат раҳбари иқтисодиёт ривожи, аҳоли кайфиятида йўлларнинг аҳамияти юқори эканини таъкидлаб, бу борада мутасаддиларга топшириқлар берди. Охирги 2 йилда Ўзбекистонда 40 минг километр йўл ва 540 та кўприк таъмирланган. Бу йил Қашқадарёда жами 100 километр магистрал йўллар таъмирланиши режалаштирилган. Бу лойиҳаларни тезлаштириш, йўл бўйларини ободонлаштириш бўйича кўрсатмалар берилди.
-up30UFnC.avif)
-PtyHyJ-A.avif)
-1R9KZ0_3.avif)
Шавкат Мирзиёев Қашқадарёга 19 июндаги ташрифини Қарши шаҳридаги “Алп техно сервис” электротехника корхонаси билан танишувдан бошлади. Ташриф давомида саноат, тиббиёт, туризм, энергетика каби кўплаб соҳалардаги корхоналар фаолияти ва маҳаллалардаги бунёдкорлик ишларини кўздан кечириш режалаштирилган. Шунингдек, вилоятни ижтимоий-иқтисодий ривожлантиришнинг келгуси вазифалари юзасидан йиғилиш ўтказилиши кўзда тутилган.
Бундан бир кун аввал давлат раҳбари Тошкент вилоятининг Паркент туманида бўлиб, туризм, транспорт ва қишлоқ хўжалиги соҳаларида амалга оширилаётган ишлар ва истиқболли лойиҳалар билан танишганди.
Изоҳ (0)