Uzbekistan Airways Тошкент–Тель-Авив–Тошкент йўналишидаги рейслар йўловчилари учун шошилинч ахборот билан чиқди.
Унда айтилишича, Тель-Авив халқаро аэропортида ҳаво ҳудудидан фойдаланиш бўйича жорий этилган чекловлар сабабли Uzbekistan Airways 2025 йил 16 июндан 30 июнгача Тошкент–Тель-Авив–Тошкент йўналишидаги рейсларни вақтинча тўхтатишга мажбур бўлди.
Бекор қилинган рейслар йўловчилари авиабилетлар бўйича мажбурий қайтариб олиш ёки кейинги саналарга бепул қайта брон қилиш учун мурожаат қилиши мумкинлиги билдирилган.
Вазият юзасидан
Исроилдаги ўзбекистонликларга заруриятсиз кўнгилочар жойларга бормаслик тавсия қилингани ҳақида хабар берилганди.
13 июнь куни кечқурун Эрон Исроилга баллистик ракеталар билан оммавий ҳужум уюштирди. Тель-Авив ва Қуддусда портлашлар бўлди. Ушбу ҳужум туфайли етказилган зарар ва жабрланганлар ҳақида аллақачон маълумотлар пайдо бўлди.
Эроннинг Исроилга қарши амалга оширган тўрт босқичли ракета ҳужуми оқибатида 3 киши ҳалок бўлди ва камида 70 киши жароҳат олди.
Эрон ҳаво ҳудуди ёпилгани сабаб шу куни Uzbekistan Airways авиакомпаниясининг Тошкент—Жидда йўналишидаги HY5343 рейси, Fly Dubai авиакомпаниясининг Тошкент—Дубай йўналишидаги ФЗ1942 рейси Тошкентга қайтишга мажбур бўлди.
Air Cairo авиакомпаниясининг Олмаота—Шарм аш-Шайх йўналиши бўйича SМ882 рейси ва Qatar Airways авиакомпаниясининг Сеул—Доҳа йўналиши бўйича QR8985 рейси Тошкент аэропортига фавқулодда қўнди.
Бундан ташқари, Эрон ҳаво ҳудуди ёпилгани сабаб 13 июнда Тошкентдан учадиган:
- Fly Dubai авиакомпаниясининг Дубай—Тошкент—Дубай йўналиши бўйича ФЗ-1945/1946 рейслари;
- Аir Arabia авиакомпаниясининг Шаржа—Тошкент—Шаржа йўналиши бўйича Г9-270/271 рейслари;
- Asia Union авиакомпаниясининг Тошкент—Мадина—Тошкент йўналиши бўйича 7қ-141/142 рейслари бекор қилинди.
Бундан ташқари,
Тель-Авив Бен-Гурион аэропорти ва минтақа ҳаво маконининг вақтинча ёпилиши муносабати билан 15 июнь кунги 9С 501/502 Самарқанд—Тель-Авив рейси бекор қилинди.
Исроилга бошқа саналардаги рейслар ҳақида қўшимча равишда хабар берилиши айтилди.
Рейси бекор қилинган барча йўловчилар олдиндан э-маил орқали, шунингдек чипталарни харид қилган жойларда — кассалар ва сайёҳлик агентликларида хабардор қилиниши айтилди.
Изоҳ (0)