“Манчестер Сити” бош мураббийи Хосеп Гвардиола ёзги трансферлар ойнасида жамоани тарк этиши мумкин бўлган футболчилар борасида изоҳ берди. Бу ҳақда Euro-Football нашри хабар бермоқда.
Мутахассис айни пайтда ҳеч қандай аниқ қарор қабул қилинмаганини таъкидлади:
Ёзда кимлар жамоани тарк этиши мумкин? Бу борада ҳозирча қарор қилганимиз йўқ. Раҳбарият билан маслаҳатлашамиз, футболчилар билан ҳам суҳбат бўлади. Бизда яхши таркиб бор, олдинда эса узоқ мавсум кутмоқда. Ҳар қандай ҳолат юз бериши мумкин, — дейди Гвардиола City Xtra нашрига.
Эслатиб ўтамиз, ўтган мавсумда “Манчестер Сити” Англия Премьер Лигасини 3-ўринда якунлаган. Лига Кубоги финалида мағлуб бўлиб, совринни қўлга кирита олмаган. Чемпионлар Лигасида эса “Реал Мадрид”га ютқазиб, мусобақани тарк этган.
Шунингдек, “Сити” Клублар ўртасидаги Жаҳон чемпионатида ҳам иштирок этди. Аммо 1/8 финал босқичида Саудия Арабистонининг “Ал-Ҳилол” жамоасига 3:4 ҳисобида ютқазиб, мусобақани эрта якунлади.
Изоҳ (0)