“Манчестер Сити” бош мураббийи Пеп Гвардиола жамоасининг Клублар ўртасидаги Жаҳон чемпионати 1/8 финал босқичида “Ал-Ҳилол”га 3:4 ҳисобида мағлуб бўлгани ҳақида фикр билдирди.
Испаниялик мутахассис мағлубиятнинг асосий сабаби ҳақида шундай деди:
— Биз “Ал-Ҳилол”га қарши ҳужумлар учун имкон яратиб қўйдик, лекин ўзимиз ҳам кўплаб вазиятлар яратдик. Умуман олганда, жамоа ёмон ўйнамади. Афсуски, бу сафар омад биз томонда бўлмади. Жамоа яхши ҳолатда эди. Энди уйга қайтиш ва бир оз дам олиш вақти келди. Кейинги мавсумга янги куч билан қайтамиз.
Шунингдек, Гвардиола жамоа таркиби ҳақида ҳам фикр билдирди:
— Таркибимиз жуда кучли, аммо баъзи футболчиларни майдонга тушира олмаганимдан афсусдаман. Уларни ўйнатишни жуда хоҳлагандим, лекин бунинг имкони бўлмади. Катта таркибимиз бор. Бу борада қарорни кейинроқ ҳал қиламиз. Ҳозирги вазият қийин, лекин яқин кунларда тикланамиз ва Премьер Лигадаги юришимизни бошлаймиз.
Маълумот учун, “Манчестер Сити” гуруҳ босқичидаги барча учрашувларда ғалаба қозониб, 9 очко билан кейинги босқичга йўл олганди. “Шаҳарликлар” 1/8 финал босқичида “Ал-Ҳилол”га мағлуб бўлиб, турнир билан хайрлашди.
Изоҳ (0)