Британиянинг Shark Trust хайрия ташкилоти ҳар йили ўтказиладиган акула фотосуратлари танловининг ғолибларини эълон қилди. Анъанага кўра, энг яхши ишлар 14 июль — Акулалар ҳақида хабардорлик куни муносабати билан намойиш этилади.
Бош совринга Байрон Конвей лойиқ топилди. У Куба соҳилларида ипак акулаларни суратга олиб, уларнинг сув остидаги табиий ҳаракатларини муҳрлади.
“Йил фотосуратчиси” унвони эса Жулиан Ҳебештрайтга насиб этди. У леопард акуласи (зебра акуласи номи билан ҳам танилган) тасвирланган суратни тақдим этди. Бу йиртқичлар Ҳинд ва Тинч океани тропик сувлари бағрида яшайди.
“Ғолиб бўлган сурат дастлаб оддийдек кўринади, лекин унда шундай теранлик борки, қайта-қайта қарагингиз келади. Акуланинг олтин рангли гавдаси қора қоялар ва оппоқ қум фонида, айниқса, ёрқин акс этган”, деди ҳакамлар ҳайъати аъзоларидан бири.
Қуйида 2025 йилги танловга юборилган бошқа ишларни ҳам томоша қилишингиз мумкин.
Изоҳ (0)