Мадриднинг “Реал” клуби ҳужумчиси Родриго Гоэс “Пари Сен-Жермен” сафига ўтиши мумкин. Гарчи ёзги трансфер ойнаси вақтида парижликлар бразилиялик футболчига қизиқиш билдиргани ҳақида хабарлар тарқалган бўлса-да, ҳозирча трансфер амалга ошгани йўқ.
Айни пайт “ПСЖ” Родригонинг трансфери устида фаол иш олиб бормаяпти, аммо футболчининг номзоди захира вариант сифатида кўриб чиқилмоқда. Бу ҳолат Бредли Баркольянинг келажагига боғлиқ бўлади. Агар франциялик футболчи клубни тарк этса, Родриго унинг ўрнини эгаллаши мумкин. Бу ҳақда таниқли инсайдер Фабрицио Романо хабар берди.
Маълумотларга кўра, Барколья бош мураббий Луис Энрике қўл остида мунтазам ўйин амалиётига эга эмас. Ушбу вазият фонида “Ливерпуль” футболчини ўз сафига қўшиб олиш устида иш олиб бормоқда.
Родриго “Реал Мадрид”да қолишга қарор қилган. Аммо топ даражадаги клубдан жиддий таклиф тушса ва унинг асосий таркибдаги ўрни кафолатланса, футболчи клубдан кетиш ҳақида ўйлаб кўриши мумкин.
- Родриго ўтган мавсум “қироллик клуби” сафида 54 та ўйинда майдонга тушиб, 14 та гол ва 11 та голли узатмага муаллифлик қилган.
- Футболчининг “Реал Мадрид” билан амалдаги шартномаси 2028 йил ёзигача амал қилади.
- Transfermarkt портали 24 ёшли ҳужумчининг бозор қийматини 90 миллион еврога баҳолаган.
Изоҳ (0)