Хитойнинг Mirror Ме стартапи томонидан яратилган робот ит 100 метр масофани атиги 13 сонияда югуриб ўтишга муваффақ бўлди. Бу ҳозиргача роботлар орасида қайд этилган энг юқори натижа ҳисобланади.
Black Panther II номли робот ит секундига 9,7 метр тезликка етди ва америкалик муҳандислар яратган тезюрар WildCat роботидан ўзиб кетди. WildCat максимал 8,8 м/с тезликда ҳаракатлана олади.
Ҳозирча расмий жаҳон рекорди Корея юқори технологиялар институти талабалари томонидан ишлаб чиқилган робот итга тегишли бўлиб қолмоқда — у 100 метр масофани деярли 20 сонияда босиб ўтган.
Mirror Ме асосчиси Жин Юнбиннинг айтишича, компания бу натижани Гиннеснинг рекордлар китобига киритиш учун “керакли вақт келганда” ариза топширади. Унга кўра, стартапнинг мақсади 2026 йилга келиб сониясига 10 метр тезликда югура оладиган икки оёқли робот яратиш ҳамда 2030 йилгача эса шахсий ёрдамчи сифатида ишлай оладиган тўлиқ гуманоид роботни ишлаб чиқишдир.
Аввалроқ Хитойда илк бор роботлар иштирокида футбол турнири ўтказилган эди.
Изоҳ (0)