Енгил вазн тоифасида собиқ UFC чемпиони, бразилиялик Чарльз Оливейра UFC 317 турнирида испаниялик Илия Топурияга қарши жангда нокаут эвазига мағлуб бўлганини эслаб, бу ҳақда очиқ фикр билдирди.
Мен жангга тайёргарлик жараёнида кўплаб ҳаракатлар, турли зарбалар ва комбинациялар устида ишладим. Аммо жанг бошлангач, шунчаки ўзимни кўрсатишга ҳаракат қилдим. Қўлларимга, нокаут эвазига ғалаба қозонишимга ҳаддан ортиқ ишониб юбордим, — дейди Оливейра Bloody Elbow нашрига берган интервьюсида.
Унинг таъкидлашича, жанг давомида яхши вазиятларни кутиб, зарба беришга шошилмаган. Бу эса рақибга устунлик берган.
Мен ўз имкониятларимни кутдим, лекин Илия мендан анча тезроқ бўлиб чиқди. Унинг жанг учун тузган режаси меникидан яхшироқ эди. У ҳурматга лойиқ инсон, — дея қўшимча қилди бразилиялик жангчи.
Эслатиб ўтамиз, 2025 йил июнь ойи охирида бўлиб ўтган жангда Илия Топурия Чарльз Оливейрани мағлубиятга учратиб, UFC енгил вазн тоифасининг янги чемпионига айланди ва промоушен тарихида икки вазн тоифасида чемпионлик камарини қўлга киритган ўнинчи спортчига айланди.
Изоҳ (0)