Олий суд раиси Бахтиёр Исломов 9 ноябрь куни Ўзбекистонда фаолият юритувчи адвокатлар билан мулоқот қилгани, судьяларда ҳақиқий айбдорларни жазолаш учун баъзан қатъият етишмаётганини айтгани хабар берилганди. Амалиётчи юрист Саидали Мухторалиев маълумот беришича, Олий суд раиси мазкур мулоқот давомида терговчилар асоссиз қўйган айбловлари учун жавоб бериши кераклиги ҳақида ҳам гапирган.
Неча йиллардан бери бу муаммо бор. Терговга қулайи, айбловларни “букет” қилиб, шишириб судга чиқарса-да, ана ундан кейин суд унинг ишини тозалаб берса. Ўзи ҳам билади нотўғри қилаётганини. Олдин қўшимча терговга қайтариш бор эди. Терговчи бир нечта моддаларни ё оғирроғини қўйиб чиқарардики, жуда бўлса, қайта квалификация қилишаверади деб. Лекин бугунги кунда ҳам бу нарса тўхтагани йўқ. Ҳисоботларда кўряпмиз, қанчадан-қанча одам судда оқланяпти, терговда асоссиз қўйилган айбловлар судлар томонидан чиқариб ташланяпти, деган Бахтиёр Исломов.
Олий суд раиси адвокатлар билан мулоқот қилар экан, терговни озгина бўлса-да, масъулиятни сезадиган даражага олиб чиқиш таклифини берган.
Агар бундай ҳолатларга судлар хусусий ажрим орқали ўз вақтида муносабат билдирмас экан, тергов тўғриланмайди. Улар сезиши керак. Илгари терговга қайтарилган ишлар бўлса терговчилар жазога тортилар эди, жазосиз қолмас эди. Бу масалада ҳақиқатдан ҳам, хусусий ажрим чиқариш йўллари орқали, уларни (терговни) озгина бўлса-да, масъулиятини сезадиган даражага олиб чиқишимиз керак”, деди Олий суд раиси.
Изоҳ (0)