Сурхондарё ва Фарғона вилоятларида ер майдонларини сотмоқчи бўлган шахслар ушланди, деб хабар берди Бош прокуратура ҳузуридаги Департамент.
Маълум қилинишича, Денов туманида фуқаро М.Н. ва кадастрлар палатаси Олтинсой туман бўлими муҳандиси А.Н. ўзаро тил бириктириб, фуқаро А.Й.нинг ишончига кирган. Улар фуқарога Олтинсой тумани, “Ипоқ” МФЙ ҳудудидаги давлат захирасидаги 65 сотих ерни 1,1 млрд сўмга сотишга келишган.
Келишилган пулдан гумонланувчилар 300 млн сўм олган вақтида ушланган.
Шунингдек, Бағдод туманида “Ш-Б.” фермер хўжалиги ишчиси Ш.Й. фуқаро Ф.Б.нинг ишончига кирган. Фермер хўжалиги ишчиси фуқарога хўжаликка қарашли 26 сотих ҳамда туташ ҳудуддаги сув етказиб бериш хизматига қарашли муҳофаза зонасидаги 14 сотих ерни 60 минг долларга сотишга келишган.
Ишчи олдиндан 35 минг доллар олган вақтида билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Ерни ноқонуний сотишга уриниш бўйича бошқа ҳолатлар
Фарғонада фуқаро 2,5 гектар ерни 650 минг долларга сотишга келишиб, олдиндан 100 минг долларни олган вақтида ашёвий далиллар билан ушланганди. Тошкент вилояти Оҳангарон туманида жойлашган ва қишлоқ хўжалигига мўлжалланган 32 гектар ерни 2,4 млн долларга ноқонуний сотмоқчи бўлган шахс қўлга олинганди.
Сурхондарё вилоятида фуқаро қишлоқ хўжалигига мўлжалланган 45 сотих ерни 60 минг долларга сотишга келишиб, 56,7 минг доллар ва 43 миллион сўм олган вақтида қўлга тушганди. Хоразм вилоятининг Урганч туманида фуқаро давлат захирасида бўлган 24 сотих ер майдонини кадастр тизимида ишловчи танишлари орқали харидор номига расмийлаштириб бериш эвазига 45 минг доллар ва 13 миллион сўм олган вақтида ушланганди.
Изоҳ (0)