Сирдарё вилоятининг Ховос тумани ҳокими ўринбосари 7 йилга озодликдан маҳрум қилинди. Бу ҳақда Давлат хавфсизлик хизмати матбуот хизмати хабар берди.
У 2024 йилнинг май ойида ўз хизмат мавқейидан фойдаланиб, қишлоқ хўжалиги маҳсулотлари етиштириш ва экспорт қилиш билан шуғулланувчи МЧЖга тегишли ерларни ҳокимлик захирасига олмаслик, аксинча, суғориш ишларига шароит яратиб бериш ва фаолиятига ҳеч ким аралашмаслиги эвазига 20 минг доллар талаб қилган. 1 000 доллар олган вақтида ДХХ ва прокуратура ходимлари томонидан ушланган.
Ховос тумани ҳокими ўринбосарига нисбатан Жиноят кодексининг 25,168-моддаси 4-қисми “а” банди ҳамда 28,211-моддаси 3-қисми “а” банди билан жиноят иши қўзғатилиб, тергов ҳаракатлари олиб борилди.
Жиноят ишлари бўйича Сардоба туман судининг ҳукмига мувофиқ, мазкур мансабдор шахс 7 йил муддатга озодликдан маҳрум қилинди.
Изоҳ (0)