Давлат раҳбари раислигида ўтказилган видеоселектор йиғилиши, йилига иккитадан ортиқ автомобиль сотганлар тўлаши мумкин бўлган қўшимча солиқ, пойтахтда ёғган қор – “Дарё” нашри бугун, 20 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.

Ўзбекистонда ҳарорат -13 даражагача пасайди. Совуқ қанча давом этади? 

Ҳозирда бутун республикада ҳаво ҳарорати 0 даражадан паст.

Шавкат Мирзиёев ҳудуд раҳбарлари муҳтож оилалар билан манзилли ишламаётганини танқид қилди

Давлат раҳбарига кўра, улар пул ва озиқ-овқат бериш, маиший техника совға қилиш билан чекланиб келмоқда.

Ўзбекистонда маҳаллада ижтимоий хизматлар кўрсатиш электрон платформаси ишлаб чиқилади

“Мурувват” уйлари ва Ижтимоий қўллаб-қувватлаш марказларида ижтимоий хизматларни мобил ва кундузги қатнов шаклида кўрсатиш йўлга қўйилади.

Ўзбекистонда 1 октябрдан “ижтимоий карта” жорий этилади

Ушбу карта орқали транспорт ва коммунал соҳалардаги имтиёзлардан ҳам фойдаланиш мумкин бўлади.

Президент айрим вазирлик, идора ва вилоят ҳокимликларида ногиронлиги бўлган бирорта одам ишга олинмаганини танқид қилди

Таъкидланишича, 500 мингдан ортиқ корхона ва ташкилотнинг бор-йўғи 43 мингтасида ногиронлиги бўлган шахслар ишлайди.

Ўзбекистонда ходимларининг 50 фоизида ногиронлик бўлган тадбиркорлар давлат буюртмачилари билан тўғридан тўғри шартнома тузади 

Бундай одамларни ишга олган корхоналарга тадбиркорлик рейтингида қўшимча балл берилади.

Ўзбекистонда ногиронлиги бўлганлар учун Спортни ривожлантириш ассоциацияси ташкил этилади

Паралимпия қўмитаси, тегишли спорт федерациялари, Ўзбекистон махсус олимпиадаси ассоциация таркибига киради.

Тошкентда иккита Yutong автобуси ва Cobalt иштирокида ЙТҲ содир бўлди

Ҳодиса оқибатида 20 ёшли йўловчи тан жароҳати олиб, шифохонага мурожаат қилган.

Ҳокимликлар ҳузуридаги Васийлик ва ҳомийлик комиссиялари тугатилади

Уларнинг ваколати “Инсон” марказларига ўтказилади.

Ўзбекистонда 1 июнга қадар 500 нафар етим бола уй-жой билан таъминланади

Шунингдек, “Инсон” марказлари томонидан ҳақиқатда уй-жойга муҳтож ёшлар рўйхати шакллантирилади.

Аёллар ва болаларни тазйиқ ва зўравонликдан ҳимоялаш бўйича маҳалла даражасида алоҳида тизим яратилади

Тазйиққа учраган аёллар реестри тузилиб, уларга маҳаллада тезкор комплекс хизмат кўрсатиш тизими жорий қилинади.

“ОАВга раҳмат, судни тўла-тўкис, ойдин ёритиб берганингиздан миннатдорман” — “Док-1 Макс” ишида айбдор кўрилаётган Сардор Кариев

Таъкидланишича, 23 нафар судланувчидан фақатгина Сардор Кариев “Док-1 Макс” ишининг ОАВ орқали оммалаштирилишига эътибор қаратиб, журналистларга ташаккур изҳор қилган.

Ўзбекистонда 2024–2025 йилларда икки миллион аёл бандлигини таъминлаш чоралари кўрилади

Шунингдек, 142 та лойиҳа амалга оширилиши ва қўшимча 15,2 мингта иш ўринлари яратилиши таъминланади.

Ўзбекистонда йилига иккитадан ортиқ автомобиль сотганлар қўшимча солиқ тўлаши мумкин

2022 йилда 33 мингга яқин фуқаро уч ва ундан ортиқ автомобиль харид қилгани қайд этилган.

2024 йил Ўзбекистонда тарихдаги энг иссиқ ёз бўладими?

“Ўзгидромет” мазкур хабарлар юзасидан муносабат билдирди.

Янгиобод туман ҳокими ўринбосари 10 йилга қамалди

У 100 минг доллар билан қўлга тушган эди.

Бухоро вилояти прокурори алмашди 

У тайинловга қадар Фарғона вилояти Қўқон шаҳар прокурори лавозимида ишлаган.

Фоторепортаж: 

Фото: Тошкентнинг қорли манзаралари

“Дарё” фотомухбири Тошкентнинг Эски шаҳар қисми ва шаҳар марказидаги айрим кўчаларда бўлиб, қорли манзараларни кадрларга муҳрлади.

Таҳлилий материал:

Марказий Осиёдаги бўрон: сув можаролари фонида Каримов ва Раҳмон ўртасидаги қарама-қаршилик

“Дарё” Ўзбекистон ва Тожикистон ўртасидаги энг зиддиятли кунлар ҳақида ҳикоя қилади.