Бунёд Мамажонов Тошкентнинг Учтепа тумани ҳокими этиб тайинланди. Бу ҳақда пойтахт ҳокимлиги матбуот хизмати хабар берди.
Тайинловга қадар у 2020 йилдан шу кунга қадар “Асакабанк” акциядорлик жамияти бошқаруви раисининг ўринбосари лавозимида фаолият юритиб келган.
Бунёд Мамажонов 1985 йилда Тошкент шаҳрида туғилган. 2008 йилда Тошкент молия институтини магистрлик даражаси билан тамомлаган.
Учтепа туманига 2019 йил май ойидан буён Фарҳод Абдуллаев раҳбарлик қилиб келган. У 2024 йилнинг июль ойида “Ўзбекистон технологик металлар комбинати” раиси этиб тайинлангач туман ҳокими вазифасини ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Жамшид Алимжонов вақтинча бажариб келаётганди.
Бундан аввал Тошкентнинг Мирзо Улуғбек, Шайхонтоҳур туманларига, Сурхондарё вилоятининг Музработ ва Шўрчи туманларига янги ҳокимлар тайинланганди.
Изоҳ (0)