Андижон вилояти ҳокимининг собиқ ўринбосари — вилоят инвестициялар, саноат ва савдо бошқармаси бошлиғи Ботиржон Ҳамроевга нисбатан қамоққа олиш эҳтиёт чораси қўллангани айтилмоқда. Бу ҳақда “Дарё” манбаси хабар бермоқда.
Вилоят ҳокимлигида ишловчи “Дарё” манбаларининг маълум қилишича, Ботиржон Ҳамроевнинг хонадонида ўтказилган текширувлар давомида бюджет маблағларининг талон-торож қилиниши, мансаб ваколатини суиистеъмол қилиш ва бошқа ҳолатлар бўйича терговга чақиртирилган ва процессуал тартибда ушланган.
Аниқланишича, Ботиржон Ҳамроевга нисбатан тергов ҳаракатлари олиб борилмоқда.
Маълумот учун, Ботиржон Ҳамроев 2019 йилдан буён вилоят ҳокими ўринбосари сифатида фаолият олиб бораётган эди.
- Андижон вилояти ҳокимлиги матбуот хизмати томонидан вилоят ҳокимининг ўринбосари — вилоят инвестициялар, саноат ва савдо бошқармаси бошлиғи лавозимига Илҳом Собиров тайинланганини хабар қилганди. Бироқ собиқ ўринбосари нима сабабдан ишдан кетгани айтилмаганди.
Изоҳ (0)