Хоразм вилояти Ҳазорасп тумани ҳокими ўринбосари вазифасида ишлаган У.А.га пора олгани учун 6 йил озодликдан маҳрум қилиш жазоси тайинланди. Бу ҳақда вилоят суди хабар берди.
Жиноят ишлари бўйича Тупроққалъа тумани судида 1984 йилда туғилган, олий маълумотли, 4 нафар фарзанднинг отаси, муқаддам судламаган, Ҳазорасп тумани ҳокимининг саноатни ривожлантириш, капитал қурилиш, коммуникация ва коммунал хўжалик масалалари бўйича ўринбосари лавозимида ишлаган У.А.га нисбатан жиноят иши кўриб чиқилди.
Судда маълум бўлишича, айбланувчи ноқонуний қурилмаларга қонунда белгиланган тартибда чора кўрмаслик, яъни бузмаслик эвазига аризачидан жами 12 минг долларни пора тариқасида беришини талаб қилган ва бу пулларни пора тариқасида олган вақтида ҳуқуқни муҳофаза қилувчи орган ходимлари томонидан ушланган.
Суд У.А,ни Жиноят кодексининг 210-моддаси (пора олиш) 2-қисми «б» банди билан айбли деб топган ва 2 йил муддатга мансабдорлик ва моддий жавобгарлик лавозимларида ишлаш ҳуқуқидан маҳрум қилиб, 6 йил озодликдан маҳрум қилиш жазосини тайинлаган.
Мавзуга доир:
Изоҳ (0)