Қашқадарё вилояти Миришкор тумани ҳокими ўринбосари фуқарога ер олиб бериш учун пора олган вақтда ушланди. Бу ҳақда Давлат хавфсизлик хизмати хабар қилди.
Қайд этилишича, туман ҳокимининг ўринбосари — маҳалла ва оилани қўллаб-қувватлаш бўлими бошлиғи чорвачилик билан шуғулланмоқчи бўлган фуқаронинг ишончига кириб, унга Миришкор ва Муборак туманлари ҳудудидан жами 1000 гектар ер майдони ажратиб беришни ваъда қилган. Бунинг эвазига 80 минг доллар талаб қилган.
У сўралган пулдан 50 минг долларини олган вақтида ДХХнинг Қашқадарё вилояти бўйича бошқармаси, вилоят прокуратураси ҳамда Иқтисодий жиноятларга қарши курашиш департаментининг ҳудудий бошқармаси ходимлари томонидан ушланган.
Ҳозирда ҳолат юзасидан Жиноят кодексининг 168 (фирибгарлик) ва 211-моддалари (пора бериш) билан жиноят ишлари қўзғатилган. Дастлабки тергов ҳаракатлари олиб борилмоқда.
Изоҳ (0)