Ижтимоий тармоқларда Тошкент вилояти Зангиота туман ҳокими ўринбосари Ж.У. қидирувга берилгани ҳақида хабарлар тарқалди. Бош прокуратура матбуот хизмати раҳбари Ҳаёт Шамсутдинов «Дарё» сўровига асосан ҳолат бўйича маълумот берди.
Қайд этилишича, ҳақиқатан ҳам Зангиота туман ҳокимияти мансабдор шахслари ва бошқаларга нисбатан Жиноят кодексининг 167 ва бошқа моддалари билан қўзғатилган жиноят иши юзасидан тергов ҳаракатлари олиб борилмоқда. Жиноят иши доирасида Зангиота тумани ҳокимининг собиқ ўринбосари Ж.У.га Жиноят кодексининг 167 (о‘злаштириш ёки растрата йўли билан талон-торож қилиш), 205 (ҳокимият ёки мансаб ваколатини суиистеъмол қилиш) ва 209-моддалари (мансаб сохтакорлиги) билан айблов эълон қилиниб, сиртдан қамоққа олиш эҳтиёт чораси қўлланилган ҳамда қидирув эълон қилинган.
Шунингдек, Меҳнат кодексининг 99-моддасига асосан Ж.У. 10 январдан туман ҳокимининг саноатни ривожлантириш капитал қурилиш, коммуникация ва коммунал хўжалик масалалари бўйича ўринбосари вазифасини бажарувчиси лавозимидан озод этилган ва меҳнат шартномаси бекор қилинган.
Изоҳ (0)