Шавкат Мирзиёев 16 июндаги видеоселектор йиғилишида гўшт, сут, парранда гўшти ва тухум нархи барқарор бўлиши шартлигини айтди.
Гўшт, сут, парранда гўшти ва тухум нархи кескин ошмаслиги, корхоналар “соя”дан чиқиб ишлаши учун ҚҚСнинг ярмини кешбек қилиб қайтариш тартиби ўтган ҳафта тасдиқланган эди. Мутасаддилар кешбекни бир кунга бўлса ҳам кечиктирмаслик зарурлиги ҳақида огоҳлантирилди.
“Ҳокимларни ҳам огоҳлантираман, ушбу янги механизм асосида гўшт, сут, парранда гўшти ва тухум нархи барқарор бўлиши шарт. Буни эплай олмаганлари ишдан кетади”, деди президент.
Суд қарорлари вақтида ижро бўлмаётгани юзасидан мурожаатлар жуда кўплиги қайд этилди. Ўтган йили МИБга юборилган ҳар бешта суд қароридан биттаси ижро қилинмагани танқид қилинди.
Йиғилишда давлат раҳбари суюлтирилган газ етказишдаги муаммо бўйича раҳбарларга сўнгги огоҳлантириш берди. “Бу масалага икки ҳафтада ечим топсин, бўлмаса ўзи билиб жойини бўшатиб қўйсин”, деди президент.
Изоҳ (0)