Қирғизистон мусулмонлари диний бошқармаси рамазон ойи 11 мартдан бошланишини маълум қилди. Бу ҳақда 24.kg хабар берди.
Умумий фатвога кўра, рамазон ҳайити 10 апрель кунига тўғри келади. Қурбон ҳайити эса 17 июнь куни бўлиши айтилган. Қозоғистон, Тожикистон ва Ўзбекистонда ҳам рамазон ойи 11 мартдан бошланади. Ўтган ҳафтада Ўзбекистон мусулмонлари идораси ташаббуси билан Қозоғистон, Қирғизистон, Туркия ва Озарбайжон каби туркий давлатлар Фатво ҳайъатларининг онлайн мажлиси бўлиб ўтган.
Туркий давлатлар уламолари фиқҳий қоидаларга таянган ҳолда фалакий ҳисоб-китоб ва астрономик кузатувларни эътиборга олиб, ҳижрий 1445 йил рамазон ойининг биринчи куни милодий 2024 йил 11 март, душанба кунига тўғри келиши ҳақида якдил фикрга келган.
Қозоғистонда фитр садақаси 2 килограмм уннинг ўртача нархидан келиб чиқиб, 640 тенге (салкам 18 минг сўм) миқдорида маъқулланган. Тожикистонда эса фитр садақаси 7 сомоний (тахминан 8 минг сўм). Бу йил закот 880 сомонийдан (1 миллион сўмдан зиёд) бошланади. Закотни қўшимча маблағи, яъни камида 35 275 сомонийси (тахминан 40 миллион 324 минг сўм) бўлган мусулмонлар бериши керак.
Рўза тутишга қодир бўлмаганлар ёки муборак ойда тутмаган рўза кунлари учун фидя – 30 кунлик (кунига 14 сомоний – 16 минг сўм) 420 сомоний (480 минг сўмдан зиёд).
Тизимга киринг ёки Рўйхатдан ўтинг.
Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатадиРўйхатдан ўтганмисиз? Login.
Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатадиРаҳмат. Биз сизнинг хабарингизни олдик ва хатони имкон қадар тезроқ тузатамиз.
Изоҳ (0)