Тошкентда “ЗИЛ” 3 ёшли боғча боласини уриб юбориши, “Шарқ”, “Насаф” ва “Ўзбекистон” поездларида чипта нархи 25 фоизга ошиши, номақбул баёнот берадиган чет эллик фуқароларнинг Ўзбекистонга кириши тақиқланиши бўйича қонун лойиҳаси — “Дарё” нашри бугун, 12 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Жиззахда прокурор, Тошкентда терговчи ва икки нафар суриштирувчи, Наманганда адвокат қамоққа олинди (видео)
Улар ноқонуний ишлар учун пул олган.
Қурбон ҳайити куни Тошкент метросидан бепул фойдаланиш мумкин бўлади
Метрополитен соат 03:00 дан 10:00 гача йўловчиларга бепул хизмат кўрсатади.
Тошкентда “ЗИЛ” 3 ёшли боғча боласини уриб юборди
Бола акасини кўриб қолиб, тарбиячисининг қўлидан чиқиб кетган.
Қурбон ҳайити муносабати билан қўшимча маҳаллий авиақатновлар йўлга қўйилади
Парвозлар Тошкент ва 6 та вилоят ўртасида 18 июнь кунигача амалга оширилади.
Манфаатлар тўқнашуви реестрига Президент администрациясидан тортиб барча идоралар киритилади — Акмал Бурхонов
Коррупцияга қарши курашиш агентлиги директори Акмал Бурхонов “Манфаатлар тўқнашуви тўғрисида”ги қонун кимларга қўлланиши ҳақида изоҳ берди.
Наманганда ҳокимлик захирасидаги 15 сотих ерни 30 минг долларга олиб беришни ваъда қилган шахс ушланди
Ҳолат юзасидан жиноят иши қўзғатилиб, ҳозирда тергов ҳаракатлари олиб борилмоқда.
Ўзбекистонда Қурбон ҳайити намозини ўқиш вақтлари эълон қилинди
Тошкент шаҳрида ҳайит намози соат 05:10 да ўқилади.
“Шарқ”, “Насаф” ва “Ўзбекистон” поездларида 1 июлдан чипта нархи 25 фоизга ошади
Январь охирларида ҳам чипталар нархи 20 фоизга қимматлашган эди.
Тошкент вилоятида чўмилишга бориб, дарё ўртасида қолиб кетган бола қутқарилди
ФВБ қутқарувчилари махсус анжомлар ёрдамида болани қирғоққа олиб ўтган.
“Биз давлат идораларида коррупцияга қарши курашиш бўйича унча-мунча давлатда йўқ тизимга эришдик” — Акмал Бурхонов
Вазирлик ва идоралардаги комплаенс-назорат тизимини янада кучайтиришга қаратилган президент қарори лойиҳаси тайёрланмоқда.
Тошкентда 121 та масжид атрофидаги йўлларда транспорт воситалари ҳаракати вақтинча тўхтатилади
Шунингдек, ҳайит куни Тошкентда барча турдаги юк транспорт воситаларининг ҳаракати вақтинча чекланади.
Номақбул баёнот берадиган чет эллик фуқароларнинг Ўзбекистонга кириши тақиқланади
Бундай шахсларга 5 йил давомида банкларда ҳисоб варақ очиш, кўчмас мулк сотиб олиш, давлат мулкини хусусийлаштиришда иштирок этиш тақиқланади.
Жўрабек Мирзамаҳмудов Халқаро атом энергияси агентлиги бош директори билан учрашди
Унда Ўзбекистонда атом энергиясидан тинчлик мақсадларида фойдаланишнинг барча жиҳатлари бўйича МАГАТЭ билан яқиндан ҳамкорлик қилинаётгани алоҳида таъкидланди.
Изоҳ (0)