Ички ишлар вазирлиги матбуот котиби Шоҳрух Ғиёсов 31 июль, Қурбон ҳайити кунида сўйилган қурбонликларни етказиб бериш масаласини изоҳлаб ўтди.
Жумладан, аҳолидан келган «31 июль куни ҳаракатланишни тақиқлаб қўйибсизлар. Сўйилган қурбонликларни муҳтож оилаларга қандай етказиб берамиз? Бунча гўштни сақлайдиган музлатгичларимиз йўқ», деган саволга Ғиёсов қуйидагича жавоб берган:
Тўғри, 31 июль, 1—2 август ҳамда 8—9 август (шанба ва якшанба) кунлари бутун сутка давомида республика миқёсида ҳаракатланиш, яъни автотранспорт воситаларининг, йўналишсиз таксиларнинг ҳаракати тўлиқ тўхтатилади. Мазкур чеклов махсус рухсатномалар асосида ҳаракатланадиган автотранспорт ҳамда Махсус комиссиясининг 2020 йил 8 июлдаги қарори билан тасдиқланган махсус рухсатномалар талаб этилмайдиган автотранспорт воситалари ҳаракатланишига нисбатан татбиқ этилмайди. Қилаётган савобли эҳсонингизни карантин қоидаларига риоя этган ҳолда, маҳаллангиз раиси ва фаоллари ҳамкорлигида ҳамда ёрдамида ўзингиз яшаётган маҳалла ҳудудида амалга оширишингиз мақсадга мувофиқ.Эслатиб ўтамиз, аввалроқ Ўзбекистон мусулмонлари идораси Мисрдаги «Дорул Ифто» фатво ҳайъатига таяниб, Қурбон ҳайитининг биринчи куни 31 июлга тўғри келишини маълум қилганди. Президент қарорида ҳам Қурбон ҳайити 31 июль куни карантин қоидаларига амал қилинган ҳолда нишонланиши белгиланди.Шоҳрух Ғиёсов, Ички ишлар вазирлиги матбуот котиби
Шунингдек, Қурбон ҳайити куни бутун сутка давомида республика миқёсида ҳаракатланиш, автотранспорт воситаларининг, йўналишсиз таксиларнинг ҳаракати тўлиқ тўхтатилади.
Эслатиб ўтамиз, 2020 йилда Рамазон ҳайитининг биринчи куни 24 майда нишонланди. Ўшанда ҳам Ўзбекистон мусулмонлари идораси Ҳайит намозини уйда ўқишни тавсия қилганди. Соғлиқни сақлаш вазирлиги эса Ҳайитни уйда, оила даврасида нишонлашга чақирганди.
Изоҳ (0)