Яман ҳусийлари билан алоқадор қурол-яроғ дилерлари йиллар давомида Х ва WhatsApp платформаларида қурол савдоси уюштиргани маълум бўлди. Бу ҳақда The Guardian хабар берди.
Вашингтонда жойлашган Тech Transparency Project (ТТP) ҳисоботида айтилишича, ҳусийларга алоқадор қурол-яроғ сотувчилар ойлар, ҳатто йиллар давомида иккала платформада ҳам қурол тижорат дўконларини юритиб келган.
Мутахассислар дезинформация ва ноқонуний савдо кўпайиб бораётганини таъкидлаётган бир пайтда WhatsApp ва Хʼга эгалик қилувчи Меtа контентларни модерация қилиш сиёсатини қисқартирмоқда.
ТТP томонидан аниқланган Хʼдаги 130 та ва WhatsAppʼдаги 67 та бизнес аккаунти юқори қувватли милтиқлар, гранатомётлар ва бошқа ҳарбий техникаларни сотувга қўйган. Қуролларнинг аксарияти АҚШда ишлаб чиқарилган техникалар бўлган. Уларда “АҚШ ҳукумати мулки” ва “НАТО” тамғаси мавжуд.
Ҳисоботда қурол сотувчиларнинг мижозлари кўрсатилмаган. Лекин баъзи милтиқлар 10 минг долларга сотилгани маълум. Қурол сотувчиларнинг аксарияти Х Premium обуначилари ва WhatsApp Business фойдаланувчилари экани очиқланган.
ТТП директори Кети Пол интернетдаги қурол савдоси ҳақида шундай фикр билдирган:
“Х ва WhatsApp иккаласи ҳам қурол савдосига қарши сиёсатга эга. Аммо улар АҚШ томонидан террорчи деб топилган гуруҳга алоқадор дилерларга платформада қурол савдосига рухсат бермоқда. Баъзи ҳолларда бу компаниялар АҚШ хавфсизлигига хавф солдиган қоидабузарликлардан фойда кўриши мумкин”.
WhatsAppʼнинг таъкидлашича, бизнес-аккаунт профилларида пост жойланишидан олдин расмлар текширилиб, синчиклаб кўриб чиқилади. Ушбу ижтимоий тармоқ вакили ҳам ҳодиса юзасидан баёнот берган.
“Агар АҚШда террорчи деб топилган ташкилотлар бизнинг хизматимиздан фойдаланишга уринаётгани аниқланса, биз қонуний мажбуриятларимизга риоя қилиш учун тегишли чоралар кўрамиз, жумладан, ушбу аккаунтларни блоклаймиз”.
Изоҳ (0)