Шоу-бизнес вакилларидан кимлар парҳез ва спорт ёрдамида озишнинг уддасидан чиққани ҳақида Grazia нашри маълумот бериб ўтади.
Адел
Сўнгги вақтларда кўриниши аввалгидан кескин ўзгарган хонанда Адел 45 кило вазн йўқотишнинг уддасидан чиққан. Бундай натижага қандай эришгани ҳақида ўзи индамаслигига қарамай, Goodies Exclusive нашри бунда унга фитнес-тренер Камила Гудис ёрдам берганини маълум қилади.
Берган интервьюларида у овқатланиш режимига риоя қилгани, шакарни максимал камайтиргани ва сиртфуд парҳез ёрдам берганини таъкидлаган. У — тартибга амал қилса, сарвқомат бўлиш мумкинлигининг яққол исботи.
Рене Зеллвегер
Озишга узоқ вақт ҳаракат қилган Рене «Брижит Жонс кундалиги»да гавдалантирган дўмбоқ қаҳрамон образидан чиқиб кетиш учун кўп ҳаракат қилган. Роли сабаб тўплаган вазнидан қутулиш учун Рене асосан оқсилдан иборат ва мураккаб углеводларни қисқартиришга асосланган Аткинс парҳезига риоя қилган.
Қолаверса, югуришни канда қилмагани ва жисмоний фаол экани сабаб ўз мақсадига эришган. 2020 йилги «Олтин глобус» тақдирлаш маросимида кўриниш берганидан кейин мухлислари унинг ҳаддан ортиқ даражада озиб кетганига амин бўлган.
Келли Осборн
Озги Осборннинг қизи ўсмирлик давридаёқ ортиқча вазн тўплаган, аммо бу уни мода оламида карьера қилгунича асло безовта қилмаган. Дизайнер сифатида иш бошлаши биланоқ ўзини қўлга олган Келли 30 кило вазн ташлашнинг уддасидан чиққан. Бунга у овқатланишни ўзгартириши, зарарли таомларни куннинг биринчи қисмида истеъмол қилиб, сабзавотларни канда қилмаслик орқали эришган. Шунингдек, ҳар куни ярим соат давомида кардио-машғулотлар ва ёга билан шуғуллангани ҳам яхши самара берган.
Асабийлашиш билан боғлиқ ҳолатлардан кейин яна бирданига семириб кетиши мумкинлиги сабаб Келли ҳозир ҳам вазнини доимий равишда назорат қилиб туришга ҳаракат қилади.
Кристина Агилера
Хонанда фарзандли бўлгани, ажрашгани ва отасининг ўлимидан ташқари, карьераси билан боғлиқ муваффақиятсизлик сабаб 30 кило вазн тўплаган.
Кейинроқ ортиқча вазн нафақат ташқи кўриниш, балки инсон ўзини қандай ҳис қилишига ҳам таъсир қилишини тушуниб етган Агилера парҳез ва ёга ёрдамида озишнинг уддасидан чиққан.
Хлои Кардашьян
Опа-сингил Кардашьянлар орасида дўмбоқлиги билан ажралиб турган Хлои узоқ йиллар давомида озишга уринган, аммо бу борада мутахассисга мурожаат қилмай, ўзбошимчалик қилишни афзал билган. Жараён чўзилгани ва натижа бўлмаганидан кейин фитнес-тренер ва парҳезшунос ёллашга қарор қилган.
Кардашьян саҳар 5 да уйғониб, оч қоринга машғулот қилган. Соат 8 дан эртароқ нонушта қилмаган юлдуз кун давомида 6 литр сув ичган ва углеводларни камроқ ейишга ҳаракат қилган. Натижада 2020 йилга келиб 20 кило вазн йўқотишнинг уддасидан чиққан.
Изоҳ (0)