Карьераси бошидаги рад жавобларга қарамай, муваффақиятга эришган жаҳонга машҳур инсонлар (фото)

Тасаввур қилиш қийин, кўплаб таниқли аёллар карьерасининг бошида «Сиз Голливуд учун етарлича гўзал эмассиз» каби танқидий сўзларни эшитишган. Мисол учун, Жессика Честейнни ёқимсиз, Гвинет Пелтроуни жуда оддий деб фикр билдиришган. Қуйида ана шундай машҳурларнинг бир нечтасини эътиборингизга ҳавола этамиз.

Жессика Честейн

Жессика Честейннинг фикрича, унинг актёрлик маҳорати кўпинча ташқи кўриниши орқали баҳоланган. Аммо актрисани сўнгги 5 йил ичида жозибали деб топишди. Бунгача Честейнга рол берилмаган, у рад этилишини унинг етарлича гўзал эмаслиги билан изоҳлаган.

Майкл Жексон

Майкл Жексоннинг Billie Jean ҳити деярли 40 ёшда. Барча даврларнинг энг кўп сотилган тароналаридан бири бўлган афсонавий қўшиқ бир пайтлар продюсерга ёқмаганига ишониш қийин. У қўшиқни альбом учун мосмас деб ҳисоблаган. Узоқ давом этган баҳс-мунозаралар давомида Жексон ўз йўлини топди ва қўшиқ қисқартирилган версияда бўлса ҳам, альбомга киритилди.

Анна Винтур

Анна Винтур 9 ой давомида Harper’s Bazaar журналида мода муҳаррири бўлиб ишлаган. У ишдан бўшатилган, чунки унинг бошчилигида олинган суратлар нашр учун жуда провокацион деб ҳисобланган. Винтур таслим бўлмади ва кейинчалик Vogue журналининг бош муҳаррири лавозимини эгаллади.

Жижи Хадид

Моделнинг эслашича, мактабдан кейин унинг қомати волейболга бўлган иштиёқи туфайли спортчиларникидек эди. Карьерасининг бошида модель билан ҳамкорлик қилган дизайнерлар уни мушакдор деб ҳисоблаган ва қизни ёпиқроқ кийинтиришга ҳаракат қилган. Жан-Поль Готе Хадидга подиумда ўзи ҳолича қолишда ёрдам берган биринчи моделер эди. Бу келажакда супермодель учун катта ёрдам бўлди.

Гвинет Пелтроу

Актриса биринчи кастингда қийинчиликка учраган. Масалан, «Олтин дарвоза» фильми продюсерларига актриса «жуда оддий» бўлиб туюлгани учунгина рол бермаган. Танқидчилар ҳали ҳам Пелтроунинг ташқи кўринишини муҳокама қилади. Аммо актриса уларга эътибор бермайди ва ўз ҳаётидан, муваффақиятли карьерасидан завқланишда давом этади.

Пинк

2017 МТV Video Music Awards маросимида Пинк таъсирли нутқ сўзлади. Унда у ўзини хунук деб билишини айтган олти ёшли қизига мурожаат қилди. Пинк ўзини ҳам тез-тез танқид қилишларини, аммо бу унинг ўзига ишонч ва гўзаллиги билан фахрланишига тўсқинлик қилмаганини айтиб ўтган.

Крисси Тайген

Крисси Тайген бир вақтлар брендлардан бири унинг ортиқча вазни туфайли у билан ҳамкорликни тўхтатганини айтиб ўтган. Компания вакиллари моделдан ўлчовлар олишни хоҳлади, чунки уларнинг фикрича, Тайген унчалик нозик эмас эди. Айтишга ҳожат йўқ, Крисси бошқалар учун ўзгармади ва шу ҳолича машҳур бўлди.

Опра Уинфри

Журналист сифатидаги фаолиятининг бошида Опра Уинфри кечки янгиликлар учун мухбир бўлган. У кейин ишдан бўшатилган, эҳтимол, Уинфри янгиликлар формати учун жуда ҳиссиётга берилган эди. Бу ҳолат уни тўхтатмади ва йиллар ўтиб у ўз дастурини яратди: Опра Уинфри шоуси. Бугунги кунда Уинфри муваффақиятли медиамагнат бўлиб, у ўзининг киностудияси, журнали, радио тармоғи ва шахсий кабел телеканалига эга.

Жизел Бюндхен

Жизел Бюндхен узоқ вақтдан бери дунёдаги энг кўп маош олувчи супермодель бўлиб келмоқда. Лекин карьерасининг бошида унинг бурни катталиги ва шакли учун доимо танқид қилинганлигини тасаввур қилиш қийин. Йигирма йиллик машаққатли меҳнат, ҳаяжонли фотосессиялар ва шоулар ортидан Бюндхен бутун дунёга ҳақиқий гўзаллик стандартлардан ташқарида эканлигини исботлади.

Селена Гомес

Хонандага ҳали ҳам тез-тез у етарлича жозибали эмаслиги ва ўзида бирор нарсани ўзгартириши кераклигини айтишади. Бироқ Гомес диди ва ўзлигича қолиш қобилиятига эга бўлишни ҳақиқатан ҳам жозибали деб ҳисоблайди.

Кейт Бекинсейл

Режиссёр Майкл Бей «Перл-Харбор» фильмида актрисани бош ролга тайинлашдан хавотирда эди. Кейт Бекинсейл бу лаҳзани ҳанузгача эслаб, режиссёрга унинг қуюқ соч ранги ва қиёфаси ёқмаганини тахмин қилади. Кейин Бекинсейл бунга эътибор бермасликка қарор қилди ва шунчаки ишлашни давом эттирди. Натижада «Перл-Харбор» унинг энг яхши асарларидан бирига айланди.

Меган Маркл

Карьерасини кинода бошлаган Меган Маркл тез-тез рад жавобларга дуч келарди. Унга етарлича нозик ва гўзал эмас ёки аксинча, ўта нозик ва жуда чиройли эканлигини айтишди. Марклнинг сўзларига кўра, у бундай фикрларни доимо тинглаган. Аммо бошқа бировнинг танқиди унинг карьера қуришига ва бахтли бўлишига тўсқинлик қилмади.

Мерилин Монро

Фаолиятининг бошида Мерилинга актриса бўлишдан воз кечиб, котибаликка ўтишни маслаҳат беришди. Аммо Монро бундай танқидларга аҳамият бермади ва ўз мақсадига эришди. Натижада, Мерилин Монронинг образи машҳурликка эришди ва ўз даврининг энг ёрқин актрисаларидан бири сифатида танилди, бутун дунё бўйлаб томошабинлар томонидан севилди.