Шоу-бизнесда машҳур ота-оналаридан обрў, эътироф ва бойлик мерос қилиб олган жуда кўп таниқли шахслар бор. Бироқ оғир болалик даврига қарамай, муваффақиятли карьера қурганлар ҳам йўқ эмас, албатта.
Мерилин Монро
Кичкина Норма Жиннинг фақат онаси бор эди. Руҳий муаммолар ва молиявий қийинчилик уни қизини болалар уйига топширишга мажбур қилади. Онаси 11 ёшли қизчани уйига қайтаришга қарор қилганидан кейин болалар уйларида сарсон-саргардон кезиш тўхтайди. Аммо ўгай отасининг хиралик қилиши бўлажак юлдузни яна уйини тарк этишга ва катталар ҳаётига қадам қўйишига мажбур қилади.
Коко Шанел
Коконинг онаси туғуруқ пайтида вафот этади. Икки қизнинг отасини эса намунали деб бўлмасди. Коко 11 ёшга тўлганда отаси уларни ташлаб кетади. Шу сабабли қизлар монастир қошидаги болалар уйига боришади. Айнан ўша ерда кичкина Габриэль аёлларни чиройли либосларда кийинтиришни орзу қилган.
Пирс Броснан
Отаси оилани тарк этганда Пирс бор-йўғи 1 ёшда эди. Онаси ҳам ўғлини кекса ота-онасининг қарамоғига ташлаб кетади. Уларнинг ўлимидан сўнг Броснан «Исо Масиҳнинг биродарлар мактаби»га ўқишга киради — бу ерда итоатсизлик қилгани учун қаттиқ жазоланади.
Бўлажак Голливуд актёрининг онаси болани 10 ёшида уйига олиб кетади. Отаси эса Пирс дунё миқёсида шуҳрат қозонганидан кейингина ўзи ҳақида маълум қилади.
Никол Ричи
Етим юлдузларнинг ҳаммаси ҳам катталарнинг масъулиятсизлиги туфайли тақдир ҳукмига ташлаб қўйилмаган. Масалан, Николнинг отаси Лионель Ричининг мусиқий гуруҳида ишлаган. Отаси у икки ёшга тўлганда вафот этади. Фожиали воқеадан сўнг эстрада артисти чақалоқни асраб олишга қарор қилади ва уни ҳеч нарсага зориқтирмай катта қилади.
Талтайиб кетган Никол жуда эрта ноқонуний моддаларга аралашиб, зиёфатларда вақтини беҳуда ўтказади. Бироқ бўлажак турмуш ўртоғи билан учрашгач, нормал ҳаётга қайтишга муваффақ бўлди.
Жек Николсон
Жекни бобоси ва бувиси тарбиялаган. Узоқ вақт давомида бола уларнинг ота-онаси эканлигига ишонган. Бироқ журналистлар унинг биологик онаси катта опаси эканлигини кўрсатадиган фактларни аниқлашга муваффақ бўлишади. Николсон ҳақиқатни билганида, унинг ҳақиқий онаси ва бувиси аллақачон вафот этганди.
Изоҳ (0)