2025 йил 23 июнь куни Centrum Air авиакомпанияси Ўзбекистон ва Россиянинг асосий шаҳарлари ўртасидаги парвозлар географиясини кенгайтиришда давом этган ҳолда Самарқанд – Владивосток йўналиши бўйича илк тўғридан-тўғри халқаро парвозни муваффақиятли амалга оширди.
Бунгача ушбу икки шаҳар ўртасида тўғридан-тўғри авиақатновлар йўлга қўйилмаган эди. Янги йўналиш Приморский ўлкаси билан Ўзбекистон ўртасида муҳим ҳаво коридорини очади ва ишбилармонлик, туристик ҳамда гуманитар сафарлар учун янада қулай шароитлар яратиши кутилмоқда.
Парвозлар Airbus А320 лайнерларида ҳафтасига бир марта — душанба кунлари амалга оширилади.
Владивосток аэропортида илк рейсни кутиб олиш маросимида Россия Федерацияси Туризм вазири ҳамда Транспорт вазирлиги, Ўзбекистон Консулхонаси вакиллари ҳамда Приморский ўлкаси губернатори Олег Кожемяко иштирок этди. Иштирокчилар тўғридан-тўғри авиақатновнинг минтақавий ҳамкорликни ривожлантиришдаги аҳамиятини алоҳида қайд этишди.
2024 йил ноябрь ойида Приморский ўлкаси губернатори Олег Кожемяко расмий ташриф билан Ўзбекистонда бўлган эди. Ташриф давомида минтақалараро ҳамкорлик, хусусан, транспорт ва туризм соҳаларини кенгайтириш истиқболлари муҳокама қилинган.
Изоҳ (0)