Самарқанддаги аэропортда алкоголь маҳсулотлари билан «яшил йўлак»дан ўтаётган шахс аниқланди. Бу ҳақда вилоят божхона бошқармаси ахборот хизмати хабар берди.
Унга кўра, Самарқанд халқаро аэропортига Домодедово–Самарқанд йўналишидаги авиарейс билан учиб келган фуқаро З.Х. «яшил йўлак» орқали божхона назоратидан ўтаётганида унда товарларни божсиз олиб кириш нормасидан ортиқча юк борлиги маълум бўлган.
Йўловчининг багаж-сумкасида алкоголь маҳсулотлари бор бўлиб, божхона ходимлари томонидан холислар иштирокида З.Х.га тегишли тахминий қиймати 6,2 миллион сўмлик 9,5 литр спиртли ичимликлар расмийлаштирилиб олинди. Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.
Маълумот учун, амалдаги қонунчиликка кўра, жисмоний шахслар божхона чегараси орқали божхона тўловларисиз умумий миқдори 2 литрдан кўп бўлмаган алкоголь маҳсулоти, шу жумладан, пиво олиб киришлари мумкин.
Изоҳ (0)