16 май куни Москвадан (Домодедово) Тошкентга HY604 авиақатнови билан учаётган авиарейс кечиктирилди. Бу ҳақда Uzbekistan Airways хабар берди.
Унда айтилишича, техник сабабларга кўра, шунингдек, ҳаво кемасининг тайёр эмаслиги сабабли фақат 16 май куни Москва (Домодедово)–Тошкент йўналиши бўйича HY604 авиақатнови кечиктирилди.
Яқин вақт ичида ҳаво кемаси авиақатновга тайёрлиги ҳақида маълумот берилади ва парвоз ташкил этилади. Uzbekistan Airways томонидан ушбу авиақатнов йўловчилари учун барча қулай шароитлар яратилиши қайд этилди.
Йўловчиларга батафсил маълумот авиакомпаниянинг Москвадаги ваколатхонаси томонидан тез орада тақдим этилади.
Ноқулайликлар учун узр сўралди.
Бундан аввал Ўзбекистондан Москвага учган икки авиарейс бошқа аэропортларга йўналтирилгани ҳақида хабар берилганди. Шунингдек, ҳаво кемасининг кеч келиши муносабати билан Тошкент—Анталия—Тошкент HY3223/3224 йўналиши бўйича парвоз ўзгартирилган жадвал бўйича амалга оширилгани ҳақида хабар берилганди.
Изоҳ (0)