«Самарқанд аэропорти» чегара божхона постида мамлакатга ноқонуний тарзда қурол олиб кирмоқчи бўлган шахс тўхтатиб қолинди. Бу ҳақда Давлат божхона қўмитаси хабар қилди.
Қайд этилишича, Шереметьево—Самарқанд йўналишидаги авиарейс билан учиб келган фуқаро Р.Ҳ. «яшил» йўлак орқали ҳаракатланаётган пайти божхона пости ходимларида шубҳа уйғотган. Холислар иштирокида Р.Ҳ.га тегишли багаж сумка белгиланган тартибда кўздан кечирилган. Натижада қиймати 5 миллион сўмлик 1 дона калибри 4,5 миллиметр бўлган пневматик тўппонча ҳамда ушбу тўппончага тегишли 4 дона сиқилган ҳаво балончалари ва 89 дона ўқларни тегишли рухсатномаларсиз олиб киришга урингани фош бўлган.
Ҳолат юзасидан Жиноят ишлари бўйича суднинг ҳукми билан Жиноят кодексининг тегишли моддаларига мувофиқ, судланувчи Р.Ҳ.га базавий ҳисоблаш миқдорининг 5 баравари миқдорида 1,5 миллион сўм жарима жазоси тайинланган.
Шунингдек, ҳуқуқбузарлик ашёси сифатида олинган 1 дона калибри 4,5 миллиметр бўлган пневматик тўпонча ҳамда ушбу тўппончага тегишли 4 дона сиқилган ҳаво балончалари ва 89 дона ўқлари тегишли тартибда йўқ қилинган.
Изоҳ (0)