Самарқанд халқаро аэропортида 27,3 миллион сўмлик сифати кафолатланмаган дорилар тўхтатиб қолинди. Бу ҳақда вилоят божхона бошқармаси ахборот хизмати хабар берди.
Таъкидланишича, сифати кафолатланмаган дори воситаларининг ноқонуний айланмасига қарши божхона органлари томонидан тизимли равишда кураш олиб борилмоқда. Жумладан, Истанбул–Самарқанд йўналишидаги авиарейс билан Самарқанд халқаро аэропортига учиб келган фуқаро Ҳ.К. «яшил» йўлак орқали божхона назоратидан ўтаётганида унинг багаж сумкаси холислар иштирокида божхона кўригидан ўтказилган.
Натижада Ҳ.К. томонидан божхона органининг оғзаки сўрови вақтида маълум қилинмаган ҳамда олиб кириш учун махсус рухсатнома талаб этиладиган, қиймати 27,3 миллион сўмлик сифати кафолатланмаган дори воситалари мамлакатга ноқонуний равишда олиб кираётгани аниқланди.
Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.
Изоҳ (0)