Россиянинг Санкт-Петербург шаҳрида оғир касалликка чалинган Ўзбекистон фуқароси оиласи билан ортга қайтарилди. Бу ҳақда Ташқи меҳнат миграцияси агентлиги хабар бермоқда.
Маълум қилинишича, С.Н. Россияга 2022 йил 7 январь куни оиласи билан вақтинчалик меҳнат фаолиятини амалга ошириш учун борган. Аммо 20 июнь куни саломатлиги ёмонлашиб, шифохонага ётқизилган. Шундан сўнг С.Н. ишга лаёқатсиз бўлиб қолгани сабабли Ташқи меҳнат миграцияси агентлигининг Санкт-Петербург шаҳридаги вакиллигига ватанга қайтишда ёрдам сўраб мурожаат қилган.
Фуқарога Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан авиачипта олиб берилди ва Санкт-Петербург–Самарқанд йўналишидаги авиарейс билан ватанга қайтарилди.
Мавзуга доир:
Изоҳ (0)