Клублар ўртасидаги Жаҳон чемпионатининг 2-тур доирасидаги “Ювентус” ва “Видад” жамоалари ўртасидаги баҳс якунига етди. Голларга бой ва қизиқарли кечган ўйинда туринликлар 4:1 ҳисобида зафар қучди.
Учрашувдаги ҳисоб 6-дақиқада очилди — “Видад” футболчиси Абдулмунаим Бутуил ўз дарвозасини ишғол қилиб қўйди. Орадан 10 дақиқа ўтиб, 16-дақиқада Кенан Йилдиз “Ювентус”нинг иккинчи голини киритди.
25-дақиқада “Видад” сафидаги Тембинкоси Лорч жавоб голини уриб, ҳисобни 2:1 кўринишига келтирди. Биринчи бўлим шу натижа билан якун топди.
Иккинчи таймда ҳам кураш сусаймади. 69-дақиқада Кенан Йилдиз ўзининг ўйиндаги иккинчи голини урди ва “Ювентус”нинг устунлигини мустаҳкамлади. Ўйин якунига яқин, Душан Влаҳович 4-голни киритиб, якуний ҳисобни ўрнатди — 4:1.
Мазкур натижадан сўнг “Ювентус” ҳисобидаги очколар сонини 6 тага етказиб, гуруҳда пешқадамлик қилмоқда. “Видад” эса ҳанузгача очко тўпламаган.
Клублар ўртасидаги Жаҳон чемпионати
2-тур
“Ювентус” — “Видад” 4:1
Голлар: 1:0 — Бутуил (6, автогол), 2:0 — Йилдиз (16), 2:1 — Лорч (25), 3:1 — Йилдиз (69), 4:1 — Влаҳович (90+4).
Изоҳ (0)