Тошкент шаҳрида шахмат бўйича UzChess Cup турнири бўлиб ўтмоқда. Мусобақанинг 4-кунидан кейин ўзбекистонлик шахматчилар анча яхши натижалар кўрсатмоқда.
Тарихда иккинчи марта ўтказилаётган мусобақа Masters, Challengers ва Futures гуруҳларида ўтказилмоқда.
4-турдан кейин кучли шахматчилар жам бўлган Masters гуруҳида Нодирбек Абдусатторов етакчилик қилмоқда. У 4 та баҳсда иштирок этиб, икки ғалаба ҳамда икки дуранг қайд этган ҳолда умумий 3 очко жамғарган. Худди шунча очко жамғарган ҳиндистонлик Рамешбабу Праггнанандҳаа иккинчи ўринни эгаллаб турган бўлса, Аржун Эригаиси кучли учликка якун ясаган.
Мусобақанинг Challengers гуруҳида ҳам кураш анча қизғин кетмоқда. 4-турдан сўнг грециялик Николас Теадору етакчилик қилмоқда. У ҳозирга қадар 3,5 очко жамғарган. Америкалик Андрев Ҳонг иккинчи ўринни эгаллаб турган бўлса, кучли учликка ўзбекистонлик Муҳиддин Мадаминов якун ясаган.
Futureс гуруҳида ҳам ўзбекистонлик шахматчи етакчилик қилмоқда. 4-турдан кейин 3,5 очко жамғарган Ортиқ Ниғматов яққол пешқадамга айланиб олди. Иккинчи поғонадан туркманистонлик Атабаев Сапармурат жой олган бўлса, 3-ўринда исроиллик Евгенй Алексеев қайд этилган.
Мусобақанинг 5-тур баҳслари 23 июнь, душанба куни бўлиб ўтади.
Изоҳ (0)