Klublar o‘rtasidagi Jahon chempionatining 2-tur doirasidagi “Yuventus” va “Vidad” jamoalari o‘rtasidagi bahs yakuniga yetdi. Gollarga boy va qiziqarli kechgan o‘yinda turinliklar 4:1 hisobida zafar quchdi.
Uchrashuvdagi hisob 6-daqiqada ochildi — “Vidad” futbolchisi Abdulmunaim Butuil o‘z darvozasini ishg‘ol qilib qo‘ydi. Oradan 10 daqiqa o‘tib, 16-daqiqada Kenan Yildiz “Yuventus”ning ikkinchi golini kiritdi.
25-daqiqada “Vidad” safidagi Tembinkosi Lorch javob golini urib, hisobni 2:1 ko‘rinishiga keltirdi. Birinchi bo‘lim shu natija bilan yakun topdi.
Ikkinchi taymda ham kurash susaymadi. 69-daqiqada Kenan Yildiz o‘zining o‘yindagi ikkinchi golini urdi va “Yuventus”ning ustunligini mustahkamladi. O‘yin yakuniga yaqin, Dushan Vlahovich 4-golni kiritib, yakuniy hisobni o‘rnatdi — 4:1.
Mazkur natijadan so‘ng “Yuventus” hisobidagi ochkolar sonini 6 taga yetkazib, guruhda peshqadamlik qilmoqda. “Vidad” esa hanuzgacha ochko to‘plamagan.
Klublar o‘rtasidagi Jahon chempionati
2-tur
“Yuventus” — “Vidad” 4:1
Gollar: 1:0 — Butuil (6, avtogol), 2:0 — Yildiz (16), 2:1 — Lorch (25), 3:1 — Yildiz (69), 4:1 — Vlahovich (90+4).
Izoh (0)